Беларустун президенти Лукашенко жетинчи мөөнөткө кайра шайлануу ниетин билдирди

Беларустун президенти Александр Лукашенко алдыда боло турчу президенттик шайлоого катышуу ниетин Казанда өткөн БРИКС саммитинде орусиялык телеалпаруучу Ольга Скабеевага билдирди.

Анда журналист Беларусь президентинен алдыдагы шайлоого барар-барбасын сураганда, ал "Ооба, Оля, мен президенттик шайлоого катышам" деп жооп бергенин теле алып баруучу өзүнүн Telegram каналына жазган.

Эске салсак, буга чейин Беларуста президенттик шайлоо 2025-жылдын 26-январында өтөрү белгилүү болгон.

Александр Лукашенко 1994-жылдан бери – алты мөөнөт катары менен президент болуп шайланып келди.