Түштүк Кореяда "Семетей" музыкалык спектакли коюлду

26-27-октябрь күндөрү Кванджу шаарында (Түштүк Корея) Азия маданий борборунун №1 театрында Корей чыгармачылык тобу менен Кыргыз чыгармачылык тобу тарабынан биргеликте даярдалган “Семетей” музыкалык спектакли жалпы көрүүчүлөргө тартууланды. Бул тууралуу Маданият министрлигинен билдиришти.

Маалымдалгандай, спектаклди Кореянын маданият сүйүүчүлөрү жана Корея өлкөсүндө окуп, иштеп жаткан мекендештер көрүшкөн.

Чыгармачыл топ:

Режиссёрлору: Уланмырза Карыпбаев - “Семетей” музыкалык спектаклинин биргелешкен режиссёру; Ёнг Бонг - “Семетей” музыкалык спектаклинин биргелешкен режиссёру.

Актёрлор: Нурбек Эсенгазы, Омурбек Израилов, Айнура Качкынбек кызы, Байзаков Максатбек, Асанакунова Бегайым, Ким Джи Ён, Ким Сонг Хван, О Сон А, Янг Бёнг Хён.

Музыканттар: Реми Клеменсьевич, Айнур Бердикулова, Эрлан Касаболотов, Ассоль Рыскулова, Саламат Жумадилов, Ислам Жумадилов.