Дүйнө чемпиондугу: Дагы бир кыргыз балбаны коло медаль тагынды

Кыргызстандын эркин күрөш боюнча улуттук курама командасынын мүчөсү Билал Шарип уулу Албаниянын Тирана шаарында өткөн Дүйнө чемпиондугунун коло медалына ээ болду. Бул тууралуу бүгүн, 28-октябрда Дене тарбия жана спорт департаментинен билдиришти.

Спортчу 65 килограммга чейинки салмакта катышууда. Алгач 1/16 финалдык беттеште молдовалык Павел Граурду 12:2 эсебинде, 1/8 финалдык беттеште румыниянын балбанын Дэниел М. Сандуну 10:0 эсебинде жеңип чейрек финалга чыкты.

1/4 финалдык беттеште орусиянын балбаны Ибрагим Ибрагимовго 8:2 эсебинде жеңилип калды. Жубатуучу беттеште белгиялык Ильяс Абдурашидовду 15:4 эсебинде утуп 3-орун үчүн күрөшүүгө мүмкүнчүлүк алган.

Коло медаль үчүн беттеште өзбекстандык спортчу Умиджон Жалаловду жеңип, өз салмагында 3-орунду ээледи.