Жергиликтүү кеңешти шайлоо: Бишкекте аралыктан добуш берүүгө арыздарды кабыл алуу даректери

Бишкек шаарында жергиликтүү кеңештерди шайлоого аралыктан добуш берүүнү каалагандар 2-ноябрга чейин кайрыла алышат. Бул тууралуу калаа бийлиги бүгүн, 28-октябрда билдирди.

Ага ылайык, арыздарды кабыл алуу үчүн 9 пункт иштеп жатат.

Кыргыз улуттук университетинин башкы корпусу (М.Фрунзе көч., 547);
Октябрь райондук мамлекеттик администрациясынын имараты (Байтик баатыр көч., 17);
К.Баялинов атындагы балдар жана өспүрүмдөр үчүн китепканасы (А.Огонбаев көч., 242);
А.Малдыбаев атындагы опера жана балет театры (Ю.Абдрахманов көч., 167);
К.Карасаев атындагы Бишкек мамлекеттик университети (Ч.Айтматов пр., 27);
И.Ахунбаев атындагы Кыргыз мамлекеттик медициналык академиясы (И.Ахунбаев көч., 92);
И.Арабаев атындагы Кыргыз мамлекеттик университети (И.Раззаков көч., 51);
Туризм академиясы (Чүй пр., 99);
Калкты тейлөө борбору (Ч.Валиханов көч., 2).