Эрдоган Анкарадагы террордук чабуулга байланыштуу 200дөн ашык шектүү жок кылынганын билдирди

Анкарада теракттан кийин 213 террорист жок кылынды. Бул тууралуу 28-октябрда Түркиянын президенти Режеп Тайып Эрдоган билдиргенин чет элдик басылмалар жазышты.

«Террордук кол салуудан кийин Иран менен Сириядагы 470 жерге чабуул жасалды. Бардыгы болуп 213 террорист жок кылынды, анын ичинде кол салууга жооптуу кылмышкерлер да бар», — деген ал.

Ошондой эле түрк лидери мамлекет террордук уюмдардын өлкөнүн ички маселесине аралашууга жол бербей тургандыгын ачыктаган.

Белгилей кетсек, 23-октябрда Анкарадан 28 чакырым алыстыкта жайгашкан Кахраманказанда Turkish Aerospace Industries компаниясынын башкы кеңсесинин жанында теракт болгон. Түркиянын TUSAŞ аэрокосмостук компаниясынын объектисинде болгон теракттын натыйжасында 5 адам каза болуп, 22 адам жаракат алды.

Автор: Замира Ниязбекова