Грузиянын президенти прокуратурага суракка чакырылгандыгы айтылды

Грузиянын Башкы прокуратурасы өлкө башчысы Саломе Зурабишвилини суракка чакырды. Бул туурасында чет элдик басылмалар жазышты.

Маалымдалгандай, ага 31-октябрда прокуратурага келүү боюнча чакыруу келген. Анда 26-октябрда өткөн парламенттик шайлоого байланыштуу иштер боюнча сурала тургандыгы айтылган.

Бул арада Грузиянын прокуратурасы шайлоодогу бурмалоолор боюнча иликтөөсүн баштады.

Айта кетсек, 27-октябрда Грузиянын президенти Зурабишвили оппозиция лидерлери менен сүйлөшүп, шайлоонун жыйынтыгын тааныбай турганын билдирген. Ал бардык жарандарды көчөгө нааразычылык акциясына чыгууга чакырган.

Автор: Замира Ниязбекова