Камала Харрис Вашингтондо шайлоо алдындагы акыркы сөзүн сүйлөдү

АКШнын вице-президенти жана президенттикке талапкер Камала Харрис туптуура бир жумадан кийин боло турган шайлоо алдында Вашингтондо миңдеген элдин алдында акыркы сөзүн сүйлөдү. Бул тууралуу BBC жазды.

"Кутмандуу кеч, Америка! Бир жумадан кийин сиздин жашооңузга, үй-бүлөңүздүн жашоосуна жана биз сүйгөн бул өлкөнүн келечегине түздөн-түз таасир эте турган чечимди кабыл алуу мүмкүнчүлүгүнө ээ болосуз", - деди ал сөзүнүн башында.

Анын айтымында, алдыдагы шайлоо эки партиянын же эки башка талапкердин эле тандоосу эмес.

"Бул бизде ар бир америкалык үчүн эркиндикке негизделген өлкө болобу, же башаламандык жана чыр-чатактар башкарган өлкө болобу деген тандоо турат. Америкалык лидерлердин жаңы муунуна убакыт келди”, - деп кошумчалаган Харрис.

Эске сала кетсек, АКШда президенттик шайлоо 2024-жылдын 5-ноябрына белгиленген.

Автор: Азат Бейшенбеков