Жогорку Кеңеште Исхак Раззаков атындагы орден негиздөө сунушталды

Бүгүн, 31-октябрдагы Жогорку Кеңештин жыйынында депутат Миргүл Темирбаева Кыргыз Республикасынын баатыры Исхак Раззаков атындагы мамлекеттик сыйлык болгон орденди негиздөөнү сунуштады.

Эл өкүлү Раззаков 1945-61-жылдары, Улуу Ата Мекендик согуштан кийинки саясий татаал кырдаалда, экономикалык жокчулук мезгилинде Кыргыз ССРин башкарып, анын өнүгүшүнө чоң салым кошконун белгиледи.

"Өткөндү сыйлабаса тирүүлөр даңкталбайт" дегендей, учурда мамлекет башчыбыз өлкөнүн өнүгүшү үчүн салым кошуп келе жаткан ар кайсы тармактын өкүлдөрүнө жыл сайын жогорку сыйлыктарды ыйгарып, колдоо көрсөтүп келет. Ал эми бүгүнкү мен сунуштап жаткан орден бул ак ниет кызмат кылган, адал иштеген мамлекеттик жана муниципалдык кызматкерлерге жана өзгөчө өндүрүштө өлкөгө салым кошкон жеке ишкерлерге гана ыйгарылат", - деди ал.

Темирбаева депутаттардан сунуштаган сыйлыкты мамлекеттик сыйлыктардын катарына кошуп берүүнү суранды.

Автор: Кылымбек Бейшеев
Фото: Интернеттен алынды