Депутат Ашимова үй-бүлөлүк зордук-зомбулуктун алдын алуу боюнча чараларды күчөтүүгө чакырды

Бүгүн, 31-октябрдагы Жогорку Кеңештин жыйынында "Ыйман нуру" фракциясынын лидери Динара Ашимова аялдарга карата зордук-зомбулуктун үрөй учурган фактыларына көңүл бурду.

Эл өкүлү Кыргызстан Борбор Азия чөлкөмүндө зомбулукка каршы эң алдыңкы мыйзам базасына ээ экенин белгиледи.

"Бирок бул мыйзамдар толук кандуу иштеши үчүн жана зомбулуктун алдын алууну күчөтүү үчүн каржылоону көбөйтүү керек", - деди ал.

Ашимова депутаттарды 2025-жылдын бюджетинин долбоорун кароодо укук коргоо органдарына, Жазаларды аткаруу мамлекеттик кызматына, Пробация институтуна тиешелүү каражат бөлүп берүүгө чакырды.

Автор: Айпери Бакталбек кызы
Фото: Жогорку Кеңештин басма сөз кызматы