Парламенттеги "Элдик" депутаттык тобунун лидери кызматын тапшырды

Жогорку Кеңештеги "Мекенчил" депутаттык тобунун лидери Элмурза Сатыбалдиев жетекчилик кызматын тапшырды. Бул тууралуу бүгүн, 31-октябрда төрага Нурланбек Шакиев парламент жыйынында айтты.

Шакиев ал ден соолугуна байланыштуу лидерликтен кетүү арызын жазганын айтып, Сатыбалдиевге бекем ден соолук, иштерине ийгилик каалады.

Бир мандаттуу округдардан шайланып келген эл өкүлдөрүнөн куралган "Мекенчил" депутаттык тобунда 20 депутат бар. Төрага Шакиев да ушул топтун курамында.

58 жаштагы Элмурза Сатыбалдиев Ош облусунун Өзгөн районуна караштуу Мырза-Аке айылында туулган. 2006-2007-жылдары УКМК төрагасынын орун басары, 2007-2009-жылдары башкы прокурор болгон.

2021-жылы №12 Өзгөн бир мандаттуу округунан Жогорку Кеңештин депутаты болуп шайланган.

Автор: Айпери Бакталбек кызы
Фото: Жогорку Кеңештин басма сөз кызматы