Германия Ирандын бир нече консулдуктарын жапты

Германия германиялык-ирандык жараны Жамшид Шармахдын өлүм жазасына тартылышына жооп иретинде Ирандын ири шаарлардагы консулдуктары жабылганын жарыялады. Бул тууралуу чет элдик басылмалар жазышууда.

Нью-Йоркто журналисттердин суроолоруна жооп берип жатып, тышкы иштер министри Анналена Баербок Берлиндин эң жогорку саясий деңгээлдеги активдүү дипломатиялык аракеттерине карабастан, Шармах өлүм жазасына тартылганын айткан.

"Биз Тегеранга бир нече жолу Германиянын жаранын өлүм жазасына тартуу оор кесепеттерге алып келерин ачык айтканбыз, ошондуктан мен Франкфурт-на-Майне, Мюнхен жана Гамбургдагы Ирандын башкы консулдуктарын жабууну чечтим", - деди ал.

Буга чейин Германиянын жарандыгын алган ирандык Жамшид Шармахд Ирандагы түрмөлөрдүн биринде өлүм жазасына тартылган.