Miss International сынагына Кыргызстандын атынан Айпери Нурбекова катышат

Японияда 12-ноябрда баштала турган Miss International сулуулар сынагына Кыргызстандын атынан Айпери Нурбекова катышат. Бул тууралуу ал Инстаграм баракчасына жазды.

Ал Бишкекте өткөн сынактан түшкөн сүрөтүн жарыялап, астына: "Жакында Японияга кетем. Бул сапарды канчалык чыдамсыздык менен күткөнүмдү элестете албайсыздар. Биз уюштуруучуларга бул сүрөттөрдү сынакка катышуу үчүн жөнөттүк”, - деп жазган.

Белгилей кетсек, Айпери Нурбекова үстүбүздөгү жылдын июль айында "Мисс Кыргызстан – 2024" сынагына катышып, "Кыргызстан Жер сулуусу" аталышындагы наамды жеңген.