Майк Тайсон 26 жаштагы Хасбикти кичинекей бала деп ойлоп өпкүлөгөнүн айтты (видео)

Легендарлуу америкалык мушкер Майк Тайсон All The Smoke Fight YouTube каналына Хасбик деген каймана ат менен белгилүү орусиялык блогер Хасбулла Магомедов менен жолугушуусу тууралуу айтып берди.

Алар өткөн жылы Тайсондун шоусу тартылып жаткан жеринен көрүшкөн. Анда Тайсон 26 жаштагы Хасбик менен кичинекей бала менен ойногондой ойноп, андан кийин кучактап өпкүлөгөн. Мушкердин айтымында, ал Хасбикти наристе бала деп ойлогон.

"Мен аны наристе бала деп ойлоп, менен жаш баладай ойногом, кучактап өпкүлөгөм. Мен жаш балдарга дайыма ушундай мамиле кылам. Көрсө, ал 26 жашта экен. Мен чын эле билген эмесмин жана муну камера үчүн кылган эмесмин", - деген Тайсон.

26 жаштагы Хасбик генетикалык оорудан улам беш жаштагы балага окшош. Анын бою учурда 98 сантиметр.