"Хезболла" Израилдин базаларын аткылоону баштады

Ливандын “Хезболла” кыймылы оккупацияланган аймактарда жайгашкан Израилдин төрт аскерий базасын жана 14 конушун аткылаганын жарыялады. Бул тууралуу чет элдик басылмалар жазышууда.

ХАМАС Телеграм каналында маалымдалгандай, "Хезболла" Израилдин аскерий адистери жана техниктери даярдалган Хайфада жайгашкан аскердик-аба күчтөрүнүн техникалык базасына биринчи жолу чабуул жасады.

Дрондор Хайфанын түштүгүндөгү Элиаким базасына да кол салышты. "Хезболланын" айтымында, буталар "жогорку тактык менен" атылды. Ракеталык соккулар башка аскердик объектилерге, анын ичинде Нетани чыгышындагы Бейт Лид базасы жана Хайфанын сыртындагы Зевулун базасына да тийген.

"Кол салуулар ошондой эле басып алынган аймактардагы 14 калктуу конушка жана ага жакын жайгашкан аскерий объекттерге тийип, натыйжада израилдик аскерлер жарадар жана каза болгон", - деп айтылат "Хезболла" билдирүүсүндө.