Түндүк Кипрдин президенти Эрсин Татардын учагы Бишкекке конду

Түндүк Кипрдин президентин “Манас” эл аралык аэропортунан министрлер кабинетинин төрагасынын биринчи орун басары Адылбек Касымалиев тосуп алды.

Айта кетсек, Эрсин Татар Кыргызстанга ушул жылдын 6-ноябрында Бишкек шаарында өтө турган Түрк мамлекеттер уюмунун (ТМУ) кезектеги он биринчи саммитине катышуу үчүн келди.

Саммиттин ишине уюмга мүчө беш мамлекеттин – Түркия, Азербайжан, Казакстан, Кыргызстан жана Өзбекстан лидерлери, ошондой эле уюмдун байкоочу өлкөлөрүнүн башчылары катышат.

Автор: Замира Ниязбекова