Режеп Тайып Эрдоган Ата-Бейит тарыхый-мемориалдык комплексине барды

Министрлер кабинетинин төрагасы Акылбек Жапаров жана өлкөгө мамлекеттик сапар менен келген Түркиянын президенти Режеп Тайып Эрдоган Ата-Бейит тарыхый-мемориалдык комплексинде болушту. Бул тууралуу Министрлер кабинетинен билдиришти.

Маалыматка ылайык, Түркиянын президенти Режеп Тайып Эрдоган министрлер кабинетинин төрагасы Акылбек Жапаровдун коштоосунда 1916-жылдагы каргашалуу окуяларда курман болгондордун эстелигине гүлчамбар койду.

Ошондой эле Түркиянын президенти жазуучу Чыңгыз Айтматовдун күмбөзүнө гүл коюп, эскерди.