Алжирдик мушкер Иман Хелифтин чуулгандуу окуясы боюнча жаңы маалыматтар белгилүү болду

Алжирдик бокс боюнча Олимпиада чемпиону Иман Хелиф биологиялык эркек экени тууралуу медициналык далилдер пайда болду. Бул тууралуу чет элдик басылмалар жазышууда.

Reduxx билдиргендей, француз журналисти Жаффар Айт Аудиа Иман Хелифтин чындыгында эркек экенин далилдеген далилдерди тапкан.

Маалым болгондой, спортчунун урук бези бар экени аныкталып, жатыны жок болуп чыккан. Гормоналдык тесттин натыйжалары Хелифте тестостерондун деңгээли жогору экенин көрсөткөн.

Иман Хелиф 66 килограммга чейинки категорияда финалда кытайлык Ян Люну жеңип, Олимпиаданын алтынына ээ болду. Калыстар бир добуштан жеңишти Алжирдин өкүлүнө берген.

Индияда Эл аралык бокс ассоциациясы (IBA) уюштурган Дүйнө чемпиондугунда Хелиф гендердик тесттен өтпөй калган. Тайвандын өкүлү Линь Юйтин да ушундай сыноодон өтө алган эмес. Ага карабастан Эл аралык Олимпиада комитети эки спортчуга тең Олимпиадага катышууга уруксат берген.