Майк Тайсон түрмөдө жасаган эң чоң акылсыздыгын айтты

Легендарлуу америкалык мушкер Майк Тайсон көптөгөн иштерди жасаганын моюнуна алды. Бул тууралуу чет элдик спорт басылмалары жазышты.

Баарынан да мушкер түрмөдө кетирген катасы үчүн өкүнөрүн белгилеген.

"Башка туткундар мени сыйлап, жакшы мамиле кылышчу, бирок мен акмак элем. Бир жолу күзөтчү менен мушташып кеттим, анан менин жаза мөөнөтүм дагы узартылды. Ошондо мен түрмөдө убакыт өткөрүүнүн башка жолу болушу керек деп чечтим.

Айланамдагы адамдарды сыйлаганды үйрөндүм. Алар мага жардам беришти, бирок мен аны баалабадым. Баарын кийин ойлонуп чыккандан кийин бир аз жеңилдеп калдым", - деген Тайсон.

Майк Тайсон блогер Жейк Пол менен беттешке даярданууну улантууда. Алардын беттеши 15-ноябрдан 16-ноябрга караган түнү Техас штатында өтөт. Уюштуруучулар беттеш бокс күйөрмандарынын кызыгуусун арттырат деген ишенимде.

Майк Тайсон 1992-жылы зордуктоо боюнча айыпталып, 6 жыл абакка кесилген. Бирок ал үч жыл отургандан кийин абактан чыккан.

Автор: Азат Бейшенбеков