Ильхам Алиев Чыңгыз Айтматовдун үй музейине барды (сүрөт)

Кыргызстанга келген Азербайжандын президенти Ильхам Алиев Кыргыз эл жазуучусу Чыңгыз Айтматовдун үй музейине барды. Анда тартылган сүрөттөр Алиевдин социалдык тармактагы баракчасына жарыяланды.

Белгилей кетсек, бүгүн, 5-ноябрда Бишкекке келген Азербайжандын башчысын “Манас” эл аралык аэропортунан министрлер кабинетинин төрагасы Акылбек Жапаров тосуп алды.

Алиев эртең, 6-ноябрда Бишкек шаарында өтө турган Түрк мамлекеттер уюмунун (ТМУ) кезектеги он биринчи саммитине катышат.

Саммиттин ишине уюмга мүчө беш мамлекеттин – Азербайжан, Казакстан, Кыргызстан, Түркия жана Өзбекстандын лидерлери, ошондой эле уюмдун байкоочу өлкөлөрүнүн башчылары катышат.

Автор: Айжанар Рыспек кызы