Садыр Жапаров менен Виктор Орбан бир нече документке кол коюшту (тизме)

Венгриянын премьер-министри Виктор Орбандын Кыргызстанга болгон расмий сапарынын алкагында бүгүн, 5-ноябрда кыргыз-венгер кызматташтыгын мындан ары өнүктүрүүгө жана чыңдоого багытталган бир катар эки тараптуу документтерге кол коюлду. Бул тууралуу президенттин басма сөз кызматынан билдирди

Алар:

- Кыргызстан менен Венгриянын ортосундагы Кеңейтилген стратегиялык өнөктөштүк жөнүндө биргелешкен декларация;

- Министрлер кабинети менен Венгрия өкмөтүнүн ортосундагы Аба каттамы жөнүндө макулдашуу;

- Финансы министрлигине караштуу Мамлекеттик бажы кызматы менен Венгриянын Улуттук салык жана бажы администрациясынын ортосунда кадрларды даярдоо жана кесиптик квалификациясын жогорулатуу жаатында кызматташуу жөнүндө меморандум;

- Юстиция министрлиги менен Венгриянын Юстиция министрлигинин ортосундагы 2025-2027-жылдарга кызматташтык программасы;

- Билим берүү жана илим министрлиги менен Венгриянын Тышкы иштер жана соода министрлигинин ортосундагы 2025-2027-жылдарга STIPENDIUM HUNGARICUM программасынын алкагында кызматташуу боюнча өз ара түшүнүшүү жөнүндө меморандум.

Автор: Айпери Бакталбек кызы
Фото: Президенттин басма сөз кызматы