АКШдагы президенттик шайлоонун алгачкы жыйынтыктары жарыяланды

Республикалык партиянын президенттикке талапкери Дональд Трамп добуш берүүлөр жабылган Индиана жана Кентукки штаттарында чоң айырма менен алдыда келе жатат. Бул тууралуу РИА Новости жазды.

Агенттиктин маалыматы боюнча, Индиана штатында Трамп 71,5 пайыз, анын атаандашы, Демократиялык партиянын талапкери Камала Харрис 26,7 пайыз добушка ээ. Азырынча ал жерде бюллетендер толук санала элек. CNN өз кезегинде бул штатта Трампка 62,5 пайызды, Харриске 36,4 пайызды берди.

АКШнын мурдагы президенти Кентуккиде да 63,4% менен алдыда келе жатат, ал эми Харрис 35,5%. CNN билдиргендей, бул штатта азырынча Трамп 60,9 пайызга ээ болсо, Харрис 37,8 пайызга ээ.

Трамп акыркы шайлоодо Кентуккиде да, Индианада да жеңишке жетти.

Автор: Азат Бейшенбеков