"Абдыш-Ата" Кыргызстандын үч жолку чемпиону болду

Кечээ, 5-ноябрда Кант шаарында жаңыланган "Нитро Арена" спорт комплексинде "Абдыш-Ата менен "Дордойдун" жолугушуусу орун алды. Буш тууралуу Кыргыз футбол бирикмесинен билдиришти.

Маалым болгондой, суперклассико беттеши 2024-жылкы сезондун чемпиондугу үчүн күрөштө чечүүчү болуп, бүйүр кызыткан жана көз жоосун алган учурларга бай болду.

Оюн талаа ээлери 1-0 эсебинде борбор калаалык клубду жеңип, мөөнөтөн мурда Кыргызстандын чемпиону болушту. "Абдыш-Ата" катары менен үчүнчү ирэт өлкө чемпиону аталды.

Кыргыз футбол биримдигинин жетекчиси чемпион болгон командага 50 миң доллардык сыйлык сертификатын ыйгарды.