Австралияда 16 жашка чейинки балдарга социалдык тармактарды колдонууга тыюу салынат

Премьер-министр Энтони Альбаназе 16 жашка чейинки австралиялыктарга социалдык тармактарды колдонууга тыюу салынат деп убада кылды. Бул тууралуу чет элдик басылмалар жазышууда.

"Мен миңдеген ата-энелер, чоң аталар, чоң апалар менен сүйлөштүм. Алар да мага окшоп интернеттеги балдарыбыздын коопсуздугу үчүн кооптонушат", - деди саясатчы.

Ага ылайык, эгерде жашы жете элек балдар социалдык тармактарды колдоно турган болсо, анда алар жана алардын ата-энелери эмес, социалдык тармактар жоопкерчиликке тартылат.

Австралиялык гезит жашы жете электердин социалдык тармактарга кирүү мүмкүнчүлүгүн чектөө ири партиялардын колдоосуна ээ болгондуктан, Австралиянын парламенти бул демилгени жактырышы мүмкүн деп жазат.