Коомдук ишмер Ассоль Молдокматова ТҮРКСОЙ медалы менен сыйланды

Бүгүн, 7-ноябрда маданият министри Алтынбек Максүтов түрк дүйнөсүнүн элдеринин достугун чыңдоого жана маданияттын өнүгүшүнө кошкон өзгөчө салымы үчүн Кыргыз Республикасынын эмгек сиңирген маданият ишмери Ассоль Молдокматованы ТҮРКСОЙ медалы менен сыйлады. Бул тууралуу аталган министрликтен билдиришти.

Ассоль Молдокматова түрк дүйнөсүнүн көрүнүктүү инсандарына арналган жүздөгөн маанилүү маданий долбоорлорду жана жүздөн ашык даректүү тасмаларды жараткан.

Ал "Манас" эпосунун 150 чыгарылышын жана "Этикет" темасындагы 500 рубриканы даярдап, "Маданий дүйнө" долбоорунун алкагында 250 кайрымдуулук лекциясын өткөргөн. Ошондой эле ондогон телекөпүрөлөрдү уюштурган жана беш мусулман коллекциясын сунуштаган.