Акылбек Жапаров Жалал-Абадды үчүнчү борбор деп атады

Бүгүн, 11-ноябрдагы Жогорку Кеңештин Бюджет, экономикалык жана фискалдык саясат боюнча комитетинин кеңейтилген жыйынында министрлер кабинетинин төрагасы Акылбек Жапаров өкмөттүн өлкөдөгү бардык шаарларды өнүктүрүү планы бар экенин билдирди.

"Мына, Ошту экинчи борбор деп жүрдүк эле, эми үчүнчү борбор Жалал-Абад пайда болуп жатат. Токмок бешинчи борбор болот, алтынчы борбор Кара-Балта болот. Биз шаарларды ирет-ирети менен көтөрөбүз. Кыргызстандагы 20 шаарды Бишкектен кем эмес инфрасктуралык абалга келтиребиз", - деди Жапаров.

Өкмөт башчы жакында шаардык кеңешке жаңы депутаттар шайланып келерин белгилеп, алар мэриялар менен тыгыз иштешсе шаарлардын өнүгүшүнө чоң салым кошушарын айтты.

Автор: Кылымбек Бейшеев
Фото: Интернеттен алынды