Токмоктогу "Гавайи" эс алуу жайында кызды мурдагы күйөөсү уурдай качты

Токмокко жакын жердеги "Гавайи" эс алуу жайында кызды уурдоого шектүү жаран кармалды. Бул тууралуу Жол кыймылынын коопсуздугун камсыздоо башкармалыгынан билдиришти.

Маалыматка ылайык, кечээ, 10-ноябрь күнү саат 22:45 чамасында "Гавайиде" М. аттуу кызды мурдагы күйөөсү сабап, күч менен унаага салып, белгисиз тарапка качып кеткендиги тууралуу маалымат түшкөн.

Бул факты боюнча Чүй облусунун жол тескөөчүлөрү ыкчам кармоо иш-чараларын жүргүзүп, жыйынтыгында изи сууй электе Audi унаасынын айдоочусу, 1993-жылы туулган М.Р. аттуу жаран кармалган.

Кармалган жаран тергөө кызматына өткөрүлүп берилди.

Автор: Азат Бейшенбеков