Пакистандагы үйлөнүү үлпөт тою 22 адамдын өлүмү менен аяктады

Пакистандын түндүгүндө үйлөнүү үлпөттө келин отурган той кортежиндеги автобус дарыяга кулап кетип, кеминде 22 адам каза болгонун чет элдик басылмалар жазууда.

Маалыматтарга караганда, окуя кечээ, 12-ноябрда Гилгит-Балтистан провинциясынын Диамер районунда болгон. Бактыга жараша, куткаруучулар келинди суудан аман-эсен алып чыгышкан. Ал түрдүү оордуктагы жаракаттарды алгандыктан аймактык ооруканага жаткырылган.

Пакистандын президенти Асиф Али Зардари каргашалуу кырсыктан улам каза тапкандардын жакындарына көңүл айткан.

Автор: Кылымбек Бейшеев
Фото: Иллюстрациялык сүрөт