Түрк тилдүү өлкөлөрдүн канайымдары Бакуда өткөн конференцияга катышты

Кыргызстандын, Азербайжандын, Түркиянын жана Өзбекстандын биринчи канайымдары “Жаштар климаттын өзгөрүшүнө каршы күрөштө" аттуу конференцияга катышты. Бул тууралуу Азербайжандын жергиликтүү басылмалары жазышты.

Маалыматка ылайык, биринчи айымдар: Айгүл Жапарова, Мехрибан Алиева, Эмине Эрдоган, Зироатхон Мирзиёева катышкан иш-чара БУУнун Климаттын өзгөрүшү боюнча алкактык конвенциясынын 29-сессиясынын алкагында өткөрүлгөн. Анда канайымдар сөз сүйлөп, бир нече маселени талкуулашкан.

Белгилей кетсек, кечээ 12-ноябрда президент Садыр Жапаров биринчи айым Айгүл Жапарова менен Баку шаарына барган. Өлкө башчы Бириккен Улуттар Уюмунун Климаттын өзгөрүүсү боюнча Алкактык конвенциясынын тараптарынын 29-конференциясына катышты.

Автор: Бурул Турусбекова