Түндө Жал кичи районунда өрт чыгып, 1 аял каза болду

Бишкек шаарынын Жал кичи районундагы чыккан өрттөн бир жаран каза болду. Бул тууралуу маалыматты Өзгөчө кырдаалдар министрлигинен тастыктады.

Маалыматка ылайык, бүгүн, 13-ноябрга карган түнү Курчатов көчөсүндөгү ачык аянттан өрт чыккандыгы тууралуу маалымат түшкөн. Өрттү өчүрүүгө саат 01:49да 1 бөлүм, саат 01:55те кошумча күч тартылган. Натыйжада тилсиз жоонун кесепети 02:05те толук чектөөгө алынган.

ӨКМ кырсыктан 1 аял киши каза болуп, сөөк милиция кызматкерлерине өткөрүлүп берилгенин, ошондой эле 1 эркек киши жабыркап, аны "Тез жардам" кызматы алып кеткенин кошумчалады.

Автор: Кылымбек Бейшеев
Фото: Иллюстрациялык сүрөт