Кеминде 43 жаштагы Мирлан Шакиев дайынсыз болууда

Чүй облусунун Кемин районунда 43 жаштагы Мирлан Шакиев дайынсыз болуп изделип жатат. Бул тууралуу Чүй ОИИББден билдиришти.

Маалыматка караганда, ал 29-ноябрда саат 09:00 чамасында Тар-Суу айылындагы үйүнөн Жалгыз-Тал жайлоосу тарапка ат менен чыгып кеткен бойдон дайынсыз болууда.

Жакындарынын айтымында, анын аты кайтып келип, өзү келген эмес.

Бул окуя Кемин РИИБге катталып, тергөөгө чейинки текшерүү иштери башталган.

Белгилери: Бою 170-175 сантиметр, орточо дене түзүлүштө, чачы кыска, ак аралашкан.

Кийген кийими: кара түстөгү камуфляж костюм, башына кара-жашыл түстөгү кепка, бутуна кара түстөгү ботас.

Милиция Шакиев тууралуу кандайдыр бир маалымат билгендер болсо, төмөнкү номерлерге кабарлап коюуну суранат 0705507071, 0701886295 (нөөмөт бөлүмү).

Автор: Айжанар Рыспек кызы
Фото: Чүй ОИИББ