Индия 2036-жылга чейин өзүнүн биринчи атомдук кемесин жасап чыгарын жарыялады

Индия 2036-жылга чейин өзүнүн суу астындагы атомдук кемесин жасап бүтөт. Бул тууралуу Индиянын деңиз флотунун командачысы, адмирал Динеш Трипати билдиргенин ТААС агенттиги жазды.

Анын айтымында, Индиянын Аскер-деңиз флоту үчүн суу астында жүрүүчү атомдук кемени даярдоо программасы өкмөт тарабынан бекитилген.

"Бул суу астындагы кемелер Аскер-деңиз флотунун мүмкүнчүлүктөрүн олуттуу түрдө жогорулатат жана улуттук кызыкчылыктарды коргоодо өзүнүн күчүн көрсөтөт", - деген ал.

Адмирал Индиянын суу астындагы флоту Инд океанынын аймагындагы Кытай менен Пакистандын өсүп жаткан деңиз күчтөрүнө каршы салмак катары кызмат кыларын белгилеген.

Автор: Кылымбек Бейшеев
Фото: Интернеттен алынды