Эрдоган менен Путин Сириядагы абалды талкуулады

Түркиянын президенти Режеп Тайып Эрдоган менен Орусиянын президенти Владимир Путин телефон аркылуу сүйлөштү. Бул тууралуу Түркиянын президентинин администрациясынын байланыш бөлүмү билдирди.

Маалыматка караганда, сүйлөшүү учурунда өлкөлөр ортосундагы эки тараптуу мамилелер, Сириядагы акыркы окуялар, ошондой эле глобалдык жана аймактык маселелер талкууланды.

Президент Эрдоган Түркиянын Сириянын жеринин бүтүндүгүн колдоону улантып жатканын, ошондой эле жаңжалдын адилеттүү жана туруктуу чечилиши үчүн аракет кылып жатканын баса белгиледи. Ал аймакта дипломатия үчүн көбүрөөк мейкиндик берүүнүн маанилүүлүгүн белгилеп, Сирия өкмөтү бул процесске катышуусу керектигин айтты.

Түрк президенти ошондой эле негизги артыкчылык жарандарды коргоо жана Сириянын мындан ары дестабилдештирилишине жол бербөө экенин баса белгиледи.

Мындан тышкары ал Түркиянын Сириядагы азыркы абалдан пайдаланууга аракет кылган террордук уюм (PKK) жана анын түзүмдөрүнө каршы күрөшүн улантуудагы чечкиндүүлүгүн ырастады.

Автор: Бек Оморбеков