3-декабрда «Кеӊ пейил шейшембиде» дүйнө жүзүндө миллиондогон адамдар кайрымдуулук иш-чараларга катышуусу жана өздөрү ишенген жана жардам берген уюмдар жөнүндө айтып беришет. Бул күнү өлкөдөгү кайрымдуулукту колдоо үчүн Яндекс тарабынан демилгеленген «Кеӊ пейил ноябрь» кайрымдуулук акциясы ишин жыйынтыктайт.
Бүткүл ноябрда Яндекс Go сервистеринин колдонуучулары «Кеӊ пейил ноябрь» кайрымдуулук демилгесине кошула алышты. Ал үчүн жума күндөрү такси, жеткирүү чакыруу же тамак алдыруу жетиштүү болду. Такси менен Жеткирүүнүн бардык тарифтеринде аткарылган ар бир 10 км үчүнкомпания 1 сомдон кайрымдуулукка которду. Ал эми жумакүнкү Тамакка 400 сомдон жогору берилген ар бир буйртмадан 5 сомдон кайрымдуулук үчүн бөлүндү. Яндекс акциянын беш күнүндө алынган сумманы көбөйттү. Акциянын жыйынтыгы боюнча, «Кыргыз азиздер жанаазиздер спорт федерациясы», «АРДИ», «Сантерра-Юг», «Үмүт-Надежда», «Заманбап Мугалим» кайрымдуулук уюмдарына 1 050 000 сом которулмакчы.
«Яндекс Go жана бардык колдонуучуларга «Кеӊ пейил ноябрь» акциясын колдоо жана катышуу мүмкүнчүлүгү үчүн ыраазылык билдиребиз. Бул биздин уюм үчүн маанилүү, анткени ал инклюзивдик спорт боюнча долбоорлорду ишке ашырууга кошумча каражат тартат жана биздин ишибиз жөнүндө көп адамдарга айтып берет», – деп Кыргыз азиздер жана азиздер спорт федерациясынын аткаруучу директору Гүлназ Жүзбаева пикирин билдирди.
«Биздин ресурстук борбор Даун синдромуна кабылган балдардын ата-энелери тарабынан түзүлгөн, бул аны чыныгы өнөктөштүн жана колдоонун үлгүсү кылат. Биз биргеликте гана олуттуу жыйынтыктарга жетүүгө болот депишенебиз. Ошондой эле, «Кеӊ пейил ноябрь» Яндекс Go долбоору – компания менен колдонуучулардын биргелешкен аракети менен кадыресе буйрутмаларды бизүчүн чыныгы жардамга айлантты. Бул бизге ишибизди улантууга жана жакшылыкка ишенүүгө түрткү берет», – деп «Сантерра - Юг» ККФтин негиздөөчүсү, директору Жылдыз Туратбекова өз оюн кошумчалады.
«Биз акциянын алкагында майыптыгы бар балдардын ата-энелеринин "АРДИ" коомдук уюмун колдогондордун баарына ыраазылык билдиребиз. Сиздердин жардам биздин Ресурстук-маалыматтык методикалык борбордо окуп жаткан майыптыгы бар балдарды колдоого багытталган программаларды өнүктүрүүгө маанилүү салым болуп калат. Чогулган каражаттарды биз үй-бүлөлөр билим, колдоо жана жакшы келечекке үмүт алган мейкиндикти түзүүгө багыттайбыз», – деп майыптыгы бар балдардын ата-энелеринин "АРДИ" коомдук бирикмесинин төрайымы Тамара Жумабекова пикирин билдирди.
Яндекс демилгелеген «Кеӊ пейил ноябрь» акциясы өлкөдө экинчи жолу өтүп жатат. Бул өлкөдөгү кайрымдуулукту колдогон долбоорлордун бири. Компания Кыргызстандагы бири нече кайрымдуулук уюмдун камкордугунда турган адамдар үчүн акысыз сапарларды жана жеткирүүлөрдү уюштурууга дагы туруктуу жардам берип келет. Айта кетсек, долбоордун башынан бери 200 ашык киши ушундай жардам алды – 5000 сапар жана жеткирүү аткарылды.
2024-жылдагы акцияга катышкан кайрымдуулук уюмдары жөнүндө:
• Кыргыз азиздер жана азиздер спорт федерациясы реабилитациялоо, окутуу жана ишке орноштуруу программалары аркылуу азиз адамдарды колдоо жана инграциялоо менен иштейт. Уюм спорттук багыттыдагы өнүктүрөт, Паралимпиада оюндарына атлеттерди даярдайт жана жеткиликтүү китепканаларды жана басмаканаларды түзүүнүн үстүндө иш жүргүзөт.
• «Сантерра - Юг» фонду — Даун синдромуна кабылган балдардын ата-энелери түзгөн ресурстук борбор, ал өнүгүүсү өзгөчө балдардын потенциалын ачуу үчүн билим берүү, спорт жана социалдык программаларды сунуштайт. Борбор ар бир балага окутуу жана социалдаштыруу үчүн теӊ мүмкүнчүлүктөрдү берген инклюзивдик коом түзүүнүн үстүндө иштеп жатат. Фонддун миссиясы – коомго интеграциялоо аркылуу өнүгүүсү өзгөчө адамдардын жашоо сапатын жакшыртуу.
• «Үмүт-Надежда» балдардын реабилитациялоо борбору ар кандай балдарды, анын ичинде майыптыктын оор формаларына кабылган балдарды реабилитациялоо менен иштейт, адистерди дарылоо педагогикасына окутат жана майыптыгы бар балдарга жана алардын ата-энелерине социалдык-психологиялык жардам көрсөтөт. Ата-энесинин камкордугунан ажыраган, майыптыктын оор түрүнө кабылган балдар менен дагы иштейт.
• «Teach for Kyrgyzstan - Заманбап Мугалим» — бул айыл жергесинде иштөө үчүн таланттуу жана жаратман-мугалимдерди даярдаган билим берүү программасы. Бул программа аймактык жана айылдык мектептерде акыркы эки жылда иштеп жаткан ар кыл тармактардын адистерин тартат. Программанын негизги максаты – билим берүүдөгү теӊсиздикти кыскартууга жана Кыргызстандын чыгармачыл экономикасын билим берүү аркылуу өнүктүрүүгө түрткү берүүгө жөндөмдүү кесипкөй-жаратмандардын коомун түзүү.
• «АРДИ» майыптыгы бар балдардын ата-энелеринин коомдук бирикмеси ата-энелердин жана майыптыгы бар балдардын көйгөйлөрүн жана муктаждыктарын чечүү үчүн 1995-жылы негизделген. «АРДИ» Кыргызстандагы ушундай эӊ биринчи бирикме болуп калды. Иштеп жаткан жылдары уюм жүздөгөн ата-энелерге жана алардын майыптыгы бар балдарына гуманитардык жана техникалык жардам, юридикалык жана психологиялык консультацияларды берүү, ата-энелерге жана балдарга окутуу жана маданий-көӊүл ачуу иш-чараларын өткөрүү менен жардам берди. 300 ашык ата-эне жана болжол менен ошончо сандагы майыптыгы бар балдар Бирикменин мүчөлүгүндө турат.
