Кызыл-Кыя милициясы издеген 22 жаштагы жигит Бишкектен кармалды

Кызыл-Кыяда шаарында тоноочулук фактысына шектелип, издөөдө жүргөн 22 жаштагы жаран кармалды. Бул боюнча бүгүн, 5-декабрда Баткен РИИБи билдирди.

Кабарга таянсак, милицияга 23 жаштагы шаар тургуну арыз менен кайрылып, 30-октябрда Кызыл-Кыя шаарында бейтааныш адам 20 миң сомун жана Редми 9 үлгүсүндөгү телефонун тоноп кеткендигин билдирген.

Аталган факты боюнча Кылмыш-жаза кодексинин 206-беренеси (Тоноочулук) менен кылмыш иши козголуп, шектүүгө издөө жарыяланган.

Натыйжада 3-декабрда 22 жаштагы шектүү Бишкек шаарында жашырынып жүргөн жеринен кармалып, убактылуу кармоо жайына киргизилди. Ал мурда бир нече жолу сот жоопкерчилигине тартылган.

Тергөө иштери уланууда.

Автор: Айжанар Рыспек кызы
Фото: Баткен РИИБ