Алайда 11 баш малды уурдаган эки жигит кармалды

Ош облусунун Алай районунда 11 баш малды уурдоого шектелген кылмыштуу топ кармалды. Бул туурасында Ош ОИИБинин басма сөз кызматы билдирди.

Маалымдалгандай, Үч-Төбө, Чоң-Каракол аймагынын тургундары милицияга арыз менен кайрылган. Анда алар малдарын уурдатканын айтышкан.

Бул факты боюнча Кылмыш-жаза кодексинин 205-1-беренеси (Мал уурдоо) боюнча кылмыш иши козголгон. Анын негизинде күбөлөр суралып, коомдук жайларга орнотулган видео көзөмөл камераларынын жазылмалары алынган.

Жүргүзүлгөн ыкчам издөө иш-чаралардын натыйжасында Чоң-Алай районунун 2007-жылы туулган Э.Т. жана 2005-жылы туулган А.А. аттуу тургундары шектүү катары кармалышкан.

Учурда кармалган шектүүлөрдүн дагы башка кылмыштуу шериктерин аныктоо жана алардын башка кылмыштарга тиешеси бар же жок экендиги тууралуу маалыматтар текшерилип жатат.

Автор: Замира Ниязбекова