Малайзияда өткөн сурдо оюндарынан кыргыз балбандары байгелүү кайтышты

Кыргызстандын балбандары X Азия-Тынч океан сурдо оюндарынан байгелүү кайтышты. Бул туурасында Дене тарбия жана спорт департаментинин маалымат кызматы билдирди.

Маалымдалгандай, сурдо грек-рим күрөшү боюнча улуттук курама команданын мүчөлөрү 9 медаль жеңип алышкан. Капчыкта 1 алтын, 6 күмүш, 2 коло бар.

Алтын медалдын ээси:

60 килограмм салмакта - Смадияр Жумкадыров;

Күмүш медалын ээлери:

Динмухамед Бигельдиев - 67 килограмм салмакта;

Сүймөнкул Икрамов - 72 килограмм салмакта;

Дастан Рыспаев - 82 килограмм салмакта;

Алишер Шамшединов - 87 килограмм салмакта;

Нарту Абдурахманов - 97 килограмм салмакта;

Габит Айдарбеков - 130 килограмм салмакта.

Коло медалдын ээлери:

Абдурасул Исмаилов - 63 килограмм салмакта;

Сыймык Чолпонбек уулу - 77 килограмм салмакта;

Белгилей кетсек, X Азия-Тынч океан сурдо оюндары Малайзиянын Куала-Лумпур шаарында орун алган. Курама команда башкы машыктыруучу Фархад Ушуров жана машыктыруучу Рустам Ушуровдун жетекчилиги алдында мелдешке катышты.

Автор: Замира Ниязбекова