"Мени билишпейт окшойт". Ташиев Чыныбай Турсунбековдун аялы аны пара менен кармоого аракет кылганын айтты

Улуттук коопсуздук мамлекеттик комитетинин төрагасы Камчыбек Ташиев Жогорку Кеңештин мурдагы төрагасы, маркум Чыныбай Турсунбековдун жубайы аны пара менен кармоого аракет кылганын билдирди. Ал бул тууралуу бүгүн, 17-декабрда берген маалымат жыйынында айтты.

УКМК жетекчиси Чыныбай Турсунбековдун үй-бүлөсүнө таандык болгон "Капитал банкы" жана Бишкек арак заводу мамлекеттин менчигине өткөнүн эске салды.

"Ал алдамчылар менен байланышып, "мени пара менен кармайбыз" деп мага 5 миллион доллар даярдашкан. Буга чет элдик кызматтар дагы катышкан. Бирок биздин балдардын кыраакылыгынын негизинде ошол алдамчылар дагы кармалды, 5 миллион долларын дагы алдык жана сумманы мамлекетке өткөзүп койдук. Алар мени билишпейт окшойт. Ташиев эч кимден 1 сом дагы пара албастыгын", - деди ал.