Түркиялык куткаруучулар Сириянын "Седная" түрмөсүндө издөө иштерин жүргүзүүдө

Түркиялык куткаруучулар Сириянын "Седная" түрмөсүндө издөө иштерин жүргүзүүдө. Бул тууралуу чет элдик басылмалар жазышууда.

Маалыматтарга караганда, издөө иштерине 120 кызматкер, 43 техника жана 4 издөөчү ит тартылган.

"AFAD жетекчиси Окай Мемиш жетектеген куткаруу тобу Түркиянын түштүк-чыгышындагы Хатай провинциясынан Дамаскка жөнөп кетти", - деп айтылат маалыматта.

Эске салсак, 8-декабрга караган түнү оппозициялык топтор Дамаскты басып алышкан. Сирия армиясынын командачылыгы Асаддын бийлиги аяктаганын жарыялады. Экс-президент өзү өлкөдөн чыгып, Орусияга кетип, ал жактан башпаанек алган.