Министр Сабиров БУУнун туруктуу координатору Антье Граве менен жолугушту

Эмгек, социалдык камсыздоо жана миграция министри Равшанбек Сабиров БУУнун Кыргызстандагы туруктуу координатору Антье Граве менен жолугушту.

Министрликтен бүгүн, 23-декабрда билдиришкендей, тараптар анда 2025-жылга пландаштырылышы керек болгон кызматташтыкты тереңдетүүнүн ар кандай жолдорун талкуулашты.

"Эки тарап өзгөчө туруктуу өнүгүү максаттарын, ошондой эле ратификацияланган конвенциялар боюнча республиканын милдеттенмелерин ишке ашыруу боюнча иштердин жүрүшүнө талдоо жүргүзүүгө макул болушту. Бул кызматташтыктын натыйжалуулугун мындан ары жогорулатуу үчүн кошумча чараларды иштеп чыгууга мүмкүндүк берет деп болжолдонууда", - деп айтылды мекемеден.

Автор: Айжанар Рыспек кызы
Фото: Эмгек министрлиги