Билип алыңыз! Бишкектеги "Аламүдүн" базарынын айланасында унаа кыймылынын схемасы өзгөрөт (сүрөт)

Бишкек шаарындагы "Аламүдүн" базарынын айланасында унаа кыймылын уюштуруу схемасына өзгөртүүлөр киргизилет. Бул туурасында бүгүн, 27-декабрда мэриянын маалымат кызматы билдирди.

Маалымдалгандай, кыймыл чиймени өзгөртүү 1-январдан баштап пилоттук долбоор катары ишке ашканы турат.

Ага ылайык, Жибек Жолу проспектисинде жана Курманжан датка көчөсүндө бардык зарыл болгон жол белгилери орнотулуп, чийиндер чийилип жана унаа токтотуучу чөнтөктөр демонтаждалып, коопсуздукту камсыз кылуу үчүн Муса Жалил көчөсү менен чыгыш тарапка андан ары Буденный көчөсү менен бир тараптуу кыймыл уюштурулат.

Белгиленгендей, мэриянын Транспорт жана жол-транспорттук инфратүзүмдү өнүктүрүү департаменти тарабынан иштелип чыккан схема тийиштүү кызматтар менен макулдашылган.

Автор: Замира Ниязбекова