Киевде шаардык аскер администрациясынын жаңы башчысы дайындалды

Владимир Зеленскийдин жарлыгына ылайык, Сергей Попконун ордуна Тимур Ткаченко Киев шаардык аскер башкармалыгынын башчысы болуп дайындалды. Бул тууралуу чет элдик басылмалар жазышууда.

Бир жарлыгы менен Зеленский Попкону Киев шаардык аскер администрациясынын башчысы кызматынан бошотуп, башка жарлык менен ал аталган администрациянын башчысы кылып Ткаченкону дайындады.

Буга чейин Ткаченко сентябрдан бери иштеп келген Украинанын жамааттарды жана аймактарды өнүктүрүү министринин орун басары кызматынан бошотулган. Украиналык "Страна ua" басылмасы белгилегендей, ал "Укрпочтанын" байкоочу кеңешинин азыркы мүчөсү жана буга чейин Киев шаардык мамлекеттик администрациясынын шаарды көрктөндүрүү департаментинин директорунун орун басары болгон.