Бишкекте күрөш боюнча өлкө чемпиондугу өтөт

Бишкекте 8-11-январь күндөрү грек-рим жана эркин күрөш боюнча Кыргыз Республикасынын чемпиондугу болот. Иш-чара Каба уулу Кожомкул атындагы спорт ордосунда өтөрүн Дене тарбия жана спорт департаменти билдирди.

Мелдешке республиканын бардык аймактарынан келген спортчулар катышат.

Катышуучулар төмөнкү салмак категорияларында күч сынашат:

Грек-рим күрөшү: 55, 60, 63, 67, 72, 77, 82, 87, 97, 130 килограмм;

Эркин күрөш: 57, 61, 65, 70, 74, 79, 86, 92, 97, 125 килограмм.

Белгилей кетсек, 8-9-январда грек-рим күрөшү боюнча мелдештер орун алса, 10-11-январь күндөрү балбандар эркин күрөш боюнча күч сынашат.

Автор: Айжанар Рыспек кызы
Фото: интернеттен алынды