Таласта 15 жаштагы өспүрүм каза болду

Талас облусунда 2009-жылы туулган өспүрүм асынып каза болду. Бул тууралуу маалыматты бүгүн, 7-январда облустук милициядан тастыкташты.

Маалыматка ылайык, 2-январда Талас райондук ички иштер бөлүмүнө Үч-Эмчек айылынын жашы жете элек тургуну үйүнүн короосуна асынып алгандыгы тууралуу билдирүү түшкөн. Маалыматты тактоо үчүн окуя болгон жерге милиция кызматкерлери барышкан. Анда маркумдун жакын туугандары арыз жазуудан жана соттук-медициналык экспертизадан өткөрүүдөн баш тартышкан.

Учурда факты боюнча текшерүү иштери жүргүзүлүүдө.

Автор: Кылымбек Бейшеев
Фото: Интернеттен алынды