Кадамжайдагы үрөй учурган жол кырсыгы 4 айлык наристенин өмүрүн алды

Баткен облусунун Кадамжай районунда катталган жол кырсыгынан 49 жаштагы аял жана 4 айлык наристе каза тапты. Бул тууралуу маалыматты бүгүн, 9-январда райондук ооруканадан тастыкташты.

Маалымдашкандай, дагы 7 адам ооруканага кайрылып, экөө үйүнө чыгарылган. Алардын үчөө оор абалда жандандыруу бөлүмүнө жаткырылса, эки жаран сыныктар бөлүмүндө.

Баткен облустук жол кыймылынын коопсуздугун камсыздоо башкармалыгынан кырсык 7-январда саат 20:00 чамасында Ош–Баткен–Раззаков унаа жолунун 131-чакырымында болгонун билдиришти. Маалыматта Hyundai Sonata үлгүсүндөгү унаа каршы тилкеге чыгып кетип, Volkswagen Golf III үлгүсүндөгү унаа менен сүзүшкөнү айтылат.

Учурда бул факт каттоого алынып, териштирүү иштери жүрүүдө.

Автор: Кылымбек Бейшеев
Фото: Иллюстрациялык сүрөт