Камчыбек Ташиев Испанияга барып, кыргыз футболчулары менен жолукту (фото)

Кыргыз футбол биримдигинин президенти Камчыбек Ташиев Испаниянын Аликанте шаарында окуу-машыгуу жыйынында жүргөн кыргыз футболчулары менен жолугуп, алардын жолдоштук беттешин стадиондо көрдү.

Оюн кечээ, 9-январда өткөн. Анда 20 жашка чейинкилер арасындагы Кыргыз курама командасы Испаниянын "Картахена" клубуна каршы ойноп, 5:0 эсебинде жеңишке жеткен.

Оюндан соң Ташиев футболчуларды жеңиши менен куттуктап, жаңы башкы машыктыруучунун жетекчилиги алдында команданын Азия Кубогуна болгон даярдыгы мыкты экендигин белгиледи.

Автор: Азат Бейшенбеков