Красноярсктагы аэропортто өзбекстандык жаран бычак менен адамдарды кубалады (видео)

Орусиянын Красноярск шаарындагы аэропортто коңшу өзбекстандык Умид Каимов аттуу жаран бычак менен адамдарды кубалады. Бул тууралуу BAZA Телеграм каналы жазды.

Маалыматка ылайык, ал аэропорттогу бир адамга бычак сайып, анын кулагын кесип жиберген. Кармалган жаран кызганычтан улам ушундай ишке барганын айткан. Ал бычакты аэропорттун ичиндеги бардан алып, тааныбаган адамына эле кол салып, андан кийин адамдарды кубалаган.

Учурда жабыркаган жаран ооруканада. Ал эми 40 жаштагы өзбекстандык жаран полиция кызматкерлеринин колуна түштү.