Өлкөдө эң көп буудай жана чычырканак өстүргөн дыйкандар аныкталды

Өлкө боюнча буудай жана чычырканакты эң көп өстүргөн дыйкандар белгилүү болду. Бул тууралуу Айыл чарба министрлиги кабарлады.

Маалыматка ылайык, Чүй облусунун Москва районунун фермери Алексей Анисимов өткөн жылы 1 гектар жерге буудай айдап, андан 86 центнер түшүм алган. Ал эми Ысык-Көл облусунун Жети-Өгүз районунун дыйканы Таалай Окенов 2019-жылы 1 гектар жерге отургузулган чычырканактан 70 центнер түшүм жыйнап, жалпы 1 миллион 400 миң сом киреше тапкан.

"Сиз дагы ушундай жыйынтыктарга жетип, киреше тапкыңыз келсе. Анда өсүмдүк өстүрүү жана багбанчылыкта чоң жетишкендиктерге жетишкен адистер жана фермерлер “Агродиалог – 2025” иш-чарасынын алкагында 31-январь күнү саат 10:00дө Кыргыз улуттук агрардык университетинде кызыл килемден өтүп, өз тажрыйбалары менен бөлүшөт. Алар буудай жана чычырканак өстүрүүнүн заманбап технологиялары жана түшүмдүүлүктү арттыруунун сырлары тууралуу айтып беришет", - деп билдирди министрлик.

Иш-чара тууралуу кошумча маалымат алуу үчүн 0770 850-015 номуру аркылуу министрликтин бөлүм башчысы Турат Идрисовго кайрылсаңыздар болот.

Автор: Бурул Турусбекова