Түштүк Кореяда президент камакка алынды

Түштүк Кореяда тергөөчүлөр өлкөнүн азыркы президенти Юн Сок Ёлду экинчи ирет козголоң чыгарган деген айып менен камакка алышты. Бул тууралуу Yonhap агенттиги жазды.

"Президент Юн Сок Ёлду козголоңду жетектеген деген айып менен камакка алынды", - деп айтылат агенттиктин билдирүүсүндө.

Бүгүн, 15-январь күнү таңга маал тергөөчүлөр аны кармоо үчүн өлкө башчысынын резиденциясына келип, бирок президенттин коопсуздук кызматы менен тирешкен. Болжол менен 2,5 сааттан кийин полиция жана Коррупцияны иликтөө башкармалыгынын кызматкерлери резиденцияга шаты аркылуу киришкен.

Кийинчерээк Юн Сок Ёл каргашалуу окуялардын алдын алуу үчүн суракка өзү келүүнү чечкени белгилүү болду. Ошол эле учурда Юн Сок Ёлдун резиденциясын кайтарган аскер бөлүктөрү камакка алуу ордерин аткарууда тергөөчүлөргө кийлигишпөөгө макул болушкан.

Белгилей кетсек, 3-декабрда Түштүк Кореянын президенти өлкөдө аскердик абал жарыялагандан кийин Сеулда башаламандык башталган. Көп өтпөй депутаттар аскердик абалды алып салууга добуш беришкен.

Автор: Азат Бейшенбеков