"Чоң мафия бар". Депутат бир адамдын паспорту башка кишиге берилип кеткенин айтты

Бүгүн, 16-январдагы Жогорку Кеңештин жыйынында депутат Бакытбек Марипов бир жарандын паспортун башка жаранга берилип кеткенин айтып, укук коргоо органдарынан ишти териштирүүнү талап кылды.

"Тынчтыкбек деген Ноокат районунун тургуну кайрылып жатат. 2016-жылы анын паспортун Аламүдүн районунан башка кишиге жасап берип салган. "7 жылдан бери кайрылып жатам. Эч кандай жыйынтык жок. Өзүмдүн паспортумду ала албай жатам" дейт.

Ушул боюнча чара көрсөңөр. Укук коргоо органдары териштирип берсеңер. Эмне себептен, кандай болуп берилип кетти? Бул жерде бир чоң мафия бар да. Бир эле ушул факты эмес. Мындай жасалма паспортторду алгандар көп", - деди эл өкүлү.

Автор: Кылымбек Бейшеев
Фото: Интернеттен алынды