Кел-Сууга унаалардын кирүүсүнө тыюу салынды

Кечээ, 16-январда Нарындын Ат-Башы райондук мамлекеттик администрациясы тарабынан атайын түзүлгөн комиссия Ак-Сай өрөөнүндөгү Кел-Суу көлүнүн абалын текшеришти. Бул тууралуу ӨКМ бүгүн, 17-январда билдирди.

Ага ылайык, Кел-Суу көлүндөгү муз үстүнө күйүүчү май тамбагандыгы, резина калдыктары калбагандыгы, экологияга жана айлана-чөйрөдө терс таасир тийбегендиги аныкталган. Комиссия мүчөлөрүнүн чечимине ылайык, Кел-Суу көлүнө унаалардын кирүүсүнө, муз бетинде унаа айдоого тыюу салынып, толук көзөмөлгө алынат.

Ошондой эле аталган өрөөндүн Көк-Кыя тилкесинде иштеп жаткан "Медер Ютком" туристтерди тосуучу мейманкана ээсине өрт коопсуздугу, экологиялык техникалык эрежелери, айлана-чөйрөнү, суу ресурстарын коргоо, көлдү таза кармоону түшүндүрүштү.

Белгилей кетсек, буга чейин интернет булактарында муз үстүндө коопсуздук эрежелерин сактабастан, унаа айдаган видео тараган.

Видео: Влад Ушаков